Bu gün “Champions Chess Tour” Onlayn şahmat seriyasının üçüncü turniri olan "Opera Euro Rapid"-in qrup mərhələsinin son oyunları keçiriləcək. 
 Xatırladaq ki, fevralın 14-dək davam edəcək turnirdə 16 şahmatçı mübarizə aparır. Üç günlük qrup mərhələsindən sonra (15 tur), turnur cədvəlində  ilk 8 yeri tutan şahmatçı 1/8 final mərhələsinə vəsiqə qazanacaq.  
 "Opera Euro Rapid"-də yeganə təmsilçimiz olan Teymur Rəcəbovdan başqa dünya çempionu Maqnus Karlsen, ABŞ şahmatçıları Nikaru Nakamura, Uesli So, Leyner Dominqez və Sem Şenkland, rusiyalılar Yan Nepomnyaşi, Aleksandr Qrişyuk və Daniil Dubov, çinli Dinq Liren, fransız Maksim Vaşye-Laqrav, Niderland təmsilçisi Aniş Giri, polyak Yan-Kşıştof Duda, hindistanlı Vidit Santos, Almaniyalı şahmatçısı  Matias Blubaum və erməni Levon Aronyan mübarizə aparırlar. 
  Həmyerlimiz Teymur Rəcəbov yarışda keçirdiy 10 oyundan bir qələbə və doqqus heç-heçəlik nəticə, hal-hazırda 5.5 xalla turnir cədvəlinin 5-7-ci yerləri bölüşür. 
  Bu gün keçiriləcək qrup mərhələsinin son beş turunda Teymuru olduqca çətin rəqiblər gözləyir. 11-ci tura Rəcəbov Dinq Lirenlə, 12-ci turda Maqnus Karlsenlə, 13-cü turda Maksim Vaşye-Laqrafla, 14-cü turda Vesli So ilə, həlledici 15-ci turda isə prinsipial rəqibi olan erməni Levon Aronyanla qarşılaşacaq. Hamının maraqla gözlədiyi Rəcəbov-Aronyan qarşılaşması Bakı vaxtı ilə təxmini saat 23:15-də başlayacaq.  

CANLI YAYIM:

CANLI NƏTİCƏLƏR:
15-ci tur:Teymur Rəcəbov (Azərbaycan) - Levon Aronyan (Ermənistan)
14-cu tur:Vesli So (ABŞ) - Teymur Rəcəbov (Azərbaycan)
13-cü tur:Teymur Rəcəbov (Azərbaycan) - Maksim Vaşye-Laqraf (Fransa)
12-cu tur:Maqnus Karlsen (Norveç) - Teymur Rəcəbov (Azərbaycan)
11-cu tur:Teymur Rəcəbov (Azərbaycan) - Dinq Liren (ÇİN)
10-cu tur:Daniil Dubov (Rusiya) - Teymur Rəcəbov (Azərbaycan)         0.5:0.5
9-cu tur : Santos Vidit (Hindistan) - Teymur Rəcəbov (Azərbaycan)      0.5:0.5
8-ci tur : Teymur Rəcəbov (Azərbaycan) - Hikaru Nakamura (ABŞ)       0.5:0.5
7-ci tur : Yan Nepomnyaşiy (Rusiya) - Teymur Rəcəbov (Azərbaycan)    0.5:0.5
6-cı tur : Teymur Rəcəbov (Azərbaycan)-Aniş Giri (Niderland)              0.5:0.5
5-ci tur : Aleksandr Qrişyuk (Rusiya)- Teymur Rəcəbov (Azərbaycan)    0.5:0.5
4-cü tur : Teymur Rəcəbov (Azərbaycan)- Yan-Kşıştof Duda (Polşa)      0.5:0.5
3-cü tur:  Leyner Dominqez (ABŞ) -  Teymur Rəcəbov (Azərbaycan)      0.5:0.5
2-ci tur :  Teymur Rəcəbov (Azərbaycan)- Sem Şenkland (ABŞ)                1:0
1-ci tur :  Matias Blubaum (Almaniya) - Teymur Rəcəbov (Azərbaycan)  0.5:0.5
 скачать dle 12.1