Dünən Qibraltarda qadınlar arasında "FİDE Qran Pri" seriyasının sonuncu mərhələsi baş çatdı.
Sevindirici haldır ki, mötəbər yarışda iştirak edən yeganə həmyerlimiz, Azərbaycanın ən güclü qadın şahmatçısı, 20 yaşlı Günay Məmmədzadə turnirdə özündən söz etdirməyə bacararaq, yarışa damğa vuran şahmatçı oldu.
Mütəxəssislərin proqnozlarını alt-üst edən Günay, möhtəşəm performans göstərərək Katerina Laqno, Anna Muzıçyuk və Nana Dzaqnidze kimi güclü şahmatçıları qabaqlayaraq sonda 6.5 xalla turnirdə 3-cü yeri tutmağa bacardı.
"FİDE Qran Pri" seriyasının sonuncu mərhələsinin qalibi isə 8.5 xalla 21 yaşlı qazaxıstanlı istedad Jansaya Abdulmalik oldu. İkinci yerin sahibəsi isə 7.5 xalla ukraynalı Mariya Muzıçyuk oldu.