Bu dəqiqələrdə Rumıniyanın paytaxtı Buxarestdə davam edən "Grand Chess Tour" şahmat seriyasının birinci mərhələsinin sonuncu turun oyunları davam edir.
9-CU TUR CANLI
Chess.az xəbər verir ki, "Superbet Chess Classic Romania" turnirində inamlı çıxış edən təmsilçimiz Şəhriyar Məmmədyarov son turda ona lazım olan heç-heçəni edərək digər qarşılaşmaların nəticələrindən asılı olmayaraq yarışın qalibi oldu. Şəhriyar fransız Maksim Vaşye-Laqrafla 25-ci gedişdə heç-heçəyə razılaşaraq xallarını 6-yə çatdırdı və rəqibləri üçün əlçatmaz oldu.
Yarışdakı digər təmsilçimiz Teymur Rəcəbov də artı çıxışını bitirib. Rəcəbov erməni rəqibi Levon Aronyanla da bərabərə qalaraq turniri 4.5 xalla baş vurdu (9 oyu, 9 heç-heçə). Qeyd edək ki, turnirdəki qələbə təmsilçimiz Şəhriyar Məmmədyarova 90 000 ABŞ dolları qazandırdı. Seriyanın növbəti mərhələsi iyunun 17-dən 23-dək Fransanın paytaxtı Parisdə keçiriləcək. Mərhələ Rapid və Blitz turnirlərindən ibarət olacaq.
14-06-2021, 16:30