Dünən dünya çempionu Maqnus Karlsenin təşkil etdiyi “Champions Chess Tour” Onlayn şahmat seriyasının yeddinci turniri olan “Goodmoney Asia Cup” başa çatdı.   

   Chess.az xəbər verir ki, ilk dəfədir ki, azərbaycanlı şahmatçıların qatılmadığı mərhələ yarışının qalibi, erməni əsilli ABŞ şahmatçısı Levon Aronyan oldu. Aronyan finalda rusiyalı Vladislav Artemyevi məğlub edərək turnirin qalibi adını qazandı. 

Xatırladaq ki, “Champions Chess Tour” Onlayn Şahmat Seriyası ümumilikdə 10 turnirdən ibarət olacaq və bu ilin sentyabr ayında başa çatacaq. Seriyanın ümumi mükafat fondu isə 1 500 000 ABŞ dolları təşkil edir. Keçirlmiş yeddi turnirdən sonra ümumi hesaba əvvəlki kimi Maqnus Karlsen liderlik edir. İkinci pillədə amerikalı şahmatçı Vesli So, üçüncü yerdə isə həmyerlimiz Teymur Rəcəbov qarşılaşıblar. Seriyadaki digər təmsilçimiz Şəhriyar Məmmədyarov isə ümumi hesdabın 10-cu pilləsində qərarlaşıb.