Bu gün Rusiyanın Soçi şəhərində davam edən Dünya Kubokunda yarışın hələ ki, ən böyük sensasiyası qeydə alınıb.
Chess.az xəbər verir ki, söhbət 1/32 final mərhələsinin Rinat Jumabayev (Qazaxıstan)-Fabiano Karuana (ABŞ) matçından gedir. Sözügedən qarşılaşmada dünyanın iki nömrəli şahmatçısı olan Karuana, ilk oyundaki heç-heçədən sonra, cavab qarşılaşmasında gözlənilmədən qazax şahmatçıya məğlub olaraq Dünya kubokuna vida etdi. Xatıraldaq ki, bu oyuna qədər Karuana İndoneziya təmsilçisi Megaranto ilə qarşılaşmışdır və ilk oyunun gedişində rəqibinin COVİD-19 testinin pozitiv cavabı gəldiyindən birbaşa 1/32 final mərhələsinə vəsiqə qazanmışdır.