Rusiyanın Soçi şəhərində şahmat üzrə Dünya Kuboku davam edir.
CANLI
Chess.az xəbər verir ki, dünən kişilərin yarışında 1/16, qadınların turnirində isə 1/8 final mərhələsinin ilk oyunları keçirildi. Sevindirici haldır ki, Dünya Kubokunda qalan yeganə təmsilçimiz Vasif Durarbəyli ilk oyunu qələbə ilə başa vurdu. Vasif qara fiqurlarla gənc özbək qrossmeyster Nodirbek Abusəttarovu məğlub edərək 1/8 final mərhələsinə çıxmaq üçün şansını xeyli artırdı. İndi Vasifə növbəti mərhələyə adlamaq üçün bu gün keçiriləcək cavab qarşılaşmasında heç-heçə etmək də kifayətdir. Qeyd edək ki, Durarbəyli növbəti mərhələyə vəsiqə qazanacağı təqdirdə, orada ABŞ şahmatçı Cefri Ksionqla hindistanlı Vidit Santos cütünün qalibi ilə qarşılaşacaq. 1/16 final mərhələsinin cavab qarşılaşmaları bu gün Bakı vaxtı ilə saat 16:00-da başlayacaq.
23-07-2021, 14:11