Serbiyanın Parasin şəhərində keçirilən silsilə turnirlərin daha birində azərbaycanlı şahmatçı uğur qazandı.
Chess.az xəbər verir ki, yığma komandamızın üzvü Eltac Səfərli "Swiss Orbis" beynəlxalq şahmat turnirinin qalibi oldu. Sözügedən turnirdə rusiyalı Aleksey Polşikov ikinci, Monteneqro təmsilçisi Draqan Kosiç isə üçüncü oldu. Xatırladaq ki, bir müddət öncə gənc şahmatçımız Məhəmməd Muradlı Serbiyanın Parasin şəhərində keçirilən "Paracin-2021" turnirinin qalibi olmuşdur.