Xəbər verdiyimiz kimi dünən Rusiyanın Soçi şəhərində başa çatan şahmat üzrə Dünya Kuboku Polşa şahmatçısı Yan-Kşıştof Dudanın qələbəsi ilə nəticələndi.
Karyerasının ən böyük uğuruna imza atan Duda, qələbəsi ilə çox maraqlı bir seriyaya da son qoymuş oldu. Belə ki, 2005-ci ildən keçirilən şahmat üzrə Dünya kuboku yarışlarında qələbəni müxtəlif ölkələri təmsil edən şahmatçılar qazansa da, onların hamısı SSSR-də anadan olanlar olub. Yan-Kşıştof Duda isə 1998-ci ilin aprelində Polşanın Krakov şəhərində anadan olub. Beləliklə Dünya kubokundakı SSSR-də doğulanların heqemonluğuna da son qoyuldu.
Dünya Kubokunun qaliblərinin siyahısına nəzər salaq :
2005-ci il : Levon Aronyan (Ermənistan)
1982-ci il. SSSR. Ermənistan SSR-ı. İrəvan şəhəri.
2007-ci il : Qata Kamskiy (ABŞ)
1974-ci il. SSSR. RSFSR. Novokuznetsk şəhəri.
2009-cu il :Boris Qelfand (İsrail)
1968-ci il. SSSR. Belorussiya SSR-ı. Minsk şəhəri.
2011-ci il : Petr Svidler (Rusiya)
1976-cı il. SSSR. RSFSR. Leninqrad şəhəri.
2013-ci il : Vladimir Kramnik (Rusiya)
1975-ci il. SSSR. RSFSR. Tuapse şəhəri.
2015-ci il : Sergey Karyakin (Rusiya)
1990-cı il. Ukrayna SSR-ı. Simferopol şəhəri.
2017-ci il : Levon Aronyan (Ermənistan)
1982-ci il. SSSR.Ermənistan SSR-ı. İrəvan şəhəri.
2019-cu il :Teymur Rəcəbov (Azərbaycan)
1987-ci il. SSSR. Azərbaycan SSR-ı. Bakı şəhəri.
2021-ci il : Yan-Kşıştof Duda (Polşa)
1998-ci il. Polşa. Krakov şəhəri.
6-08-2021, 16:49