Bu gün Rusiyanın paytaxtı Moskvada şəhərində 14 yaşadək şahmatçılar arasında "Botvinnik Memorealı" start götürəcək.

CANLI (OĞLANLAR)
CANLI (QIZLAR)

  Chess.az xəbər verir ki, 14 yaşadək şahmatçılar arasında MDB ölkələrinin çempionatını xatırladan turnirdə, 10 keçmis SSSR-i respublikasının şahmatçıları iştirak edəcək. Bunlar Azərbaycan, Rusiya, Belarus, Moldova, Qazaxıstan, Qırğızıstan, Tacıkistan, Özbəkistan, Latviya və Ermənistandır. Hər bir federasiya "Botvinnik Memorealına"  yalnız iki şahmatçı sifariş edə bilər. Bir qız və bir oğlan. Oğlanların və qızların turniri ayrı keçirilicək.  
 Qeyd etdiyimiz kimi Azərbaycanı bu turnirdə iki şahmatçı təmsil edəcək. Bunlar bu yaxınlarda Onlayn Dünya Kubokunun seçmə mərhələsinin bütün oyunlarını qələbə ilə başa vuraraq final mərhələsin vəsiqə qazanan və bu uğuru ilə gündəmə gələn "Çempion" ləqəbli Cahandar Azdəliyev və Naxçıvan qadın şahmatının gələcək ulduzu, iyul ayında Naxçıvan Muxtar Respublikasının Ali Məclisinin sədri Vasif Talıbovun sərəncamı ilə adı Muxtar Respublikanın Gənc İstedadlarının “Qızıl kitabı”na yazılan Nazlı Hümbətovadır.
 Turnir doqquz turdan ibarət olacaq və avqustun 24-dək davam edəcək. İlk turun oyunları bu gün Bakı vaxtı ilə saat 17:00-da start götürəcək.

 
скачать dle 12.1