Dekabrın 25-də Rusiyanın Sankt-Peterburq şəhərində Rapid və Blitz üzrə dünya çempionatının rəsmi açılış mərasimi baş tutub. 

Chess.az  xəbər verir ki, sözü gedən tədbirdə ilk olaraq FİDE prezidenti Arkadiy Dvorkoviç və dünya çempionu norveçli Maqnus Karlsenin iştirakı ilə mətbuat konfransı keçirilib. Daha sonra şahmatçılar üçün bədii proqram təşkil olunub. 

Qeyd edək ki, dünya çempionatına bu gün Rapid turniri ilə start veriləcək. İlk turun oyunları Bakı vaxtı ilə saat 16:00-da start götrəcək. 

Xatırladaq ki, təmsilçimiz Şəhriyar Məmmədyarov 2013-cü ildə məhz Rusiyada Rapid üzrə dünya çempionu adını qazanmışdır. Azarkeşlər 5 il sonra Şəhriyarın eyni uğuru təkrarlayacağına ümidlidirlər.