Dekabrın 26-da Dövlət Bədən Tərbiyəsi və İdman Akademiyasında 2018-ci ilin idman yekunlarına həsr olunmuş mərasim keçirilib.
Chess.az xəbər verir ki, tədbirdə Gənclər və İdman naziri Azad Rəhimov, Milli Olimpiya Komitəsinin vitse-prezidenti Çingiz Hüseynzadə çıxış ediblər. Azərbaycanın bu il müxtəlif beynəlxalq yarışlara yüksək səviyyədə ev sahibliyi etdiyi və idmançıların fərqli ölkələrdə təşkil edilən turnirlərdə fəxri kürsüyə yüksəldikləri vurğulanıb.
Daha sonra ,prezident İlham Əliyevin imzaladığı sərəncama əsasən müxtəlif nominasiyalar üzrə ilin qalibləri təltif olunub. Mükafatları A.Rəhimov və Ç.Hüseynzadə ilə yanaşı, Prezident Administrasiyası Gənclər siyasəti və idman məsələləri şöbəsinin müdiri Yusuf Məmmədəliyev, deputatlar, eləcə də idman ictimaiyyətinin tanınmış simaları təqdim ediblər.
"İlin idmançısı" nominasiyasının qalibi adına layiq görülmüş 10 nəfər arasında şahmatçı Şəhriyar Məmmədyarovun da adı yer alıb.
Digər qaliblərin adlarını təqdim edirik :
Ağayev Rafael (Karate) - Avropa çempionu ,Dünya çempionatının mükafatçısı
Əzizli Eldəniz (Yunan-Roma güləşi) - Dünya və Avropa çempionu
Həsənov Cəbrayıl (Sərbəst güləş) - Dünya və Avropa çemp. mükafatçısı
İsayev Radik(Taekvando) - Avropa çempionu və Dünya Kubokunun
Heydərov Hidayət (Cüdo) - Dünya və Avropa çemp. mükafatçısı
Məmmədyarov Şəhriyar (Şahmat) - Dünya reytinqində 3-cü yerin sahibi
Əliyev Elxan (Kikboksinq) - Avropa çempionatının mükafatçısı
Malkin Mixail (Tamblinq) - Avropa çempionu
Həsənov Pərviz (Dama) -Gözdən əlillər arasında Dünya və Avropa çempionu
Mustafayev Bayram (Paracüdo) - Dünya çempionu
Aida İSAQ