Türkiyənin Antalya şəhərində Qadınlar arasında şəxsi Avropa Çempionatı başa çatdı.
Chess.az xəbər verir ki ,qitə birinciliyinin sonu çox dramatik alındı. 11-ci turdan sonra beş şahmatçının aktivində bərabər sayda xalı olub 8 xal. Belə olan halda çempionun adının əlavə əmsallar müəyyən edib. Bu göstəricilərə görə isə rusiyalı Alina Kaşlinskaya rəqiblərini üstələyərək 2019-cu il Avropa Çempionu adını qazandı. İkinci yeri fransalı Mariya Sebaq,üçüncü yeri isə almaniyalı Elizabet Paetz tutublar. Ölkəmizi təmsil edən Ülviyyə Fətəliyeva son turda qələbə qazanaraq xallarının sayını 7.5 ə çatdırmaqla sonda yarışı 7-pillədə başa vurdu. Qeyd edək ki,Avropa Çempionatı həmçinin Dünya Kubokuna lisenziya xarakterini daşıyırdı. Və yarışın sonunda təmsilçilərimiz Ülviyyə Fətəlliyeva ,Türkan Məmmədyarova və Günay Məmmədzadə Dünya Kubokunda iştirak etmək hüququnu qazanıblar.