Xırdalan şəhərində yerləşən "AAAF Park Yaşayış Kompleksinin" "Zirvə Liseyində" qrossmeyster normalı Beynəlxalq “Zirvə Kuboku 2019” şahmat turniri başa çatdı. 

Chess.az xəbər verir ki, “Xəzər Universiteti Şahmat Akademiyası” və “AAAF Park Yaşayış Kompleksinin” birgə təşkilatçılığı ilə keçirilən turnir “Şeviningen” sistemi üzrə keçirilmişdir.Yarışda iki komanda “A” (qrossmeysterlər) və “B” (iddiaçılar) mübarizə aparırdı. Turnir İddiaçılar komandasının qələbəsi ilə başa çatdı. Bundan əlavə, İddiaçılar komandasının üç üzvü, həmyerlilərimiz Vüqar Əsədli ,Orxan Abdulov və iranlı Saed Xəlil Musavi qrossmeyster normalarını yerinə yetiriblər. Vüqar Əsədli üçün bu üçüncü norma olduğundan və eyni zamanda Vüqar yarışda 2500 ELO reytinq həddini keçdiyi üçün qrossmeyster adını qazana bilib.