Xəbər verdiyimiz kimi, dekabr ayının 25-dən 30-dək Rusiyanın paytaxtı Moskva şəhərində Rapid və Blitz üzrə Dünya Çempionatı keçiriləcək.
Ali şahmat qurmunun rəsmi saytında qeydiyyatın davam etməsilə bağlı dərc olunan xəbərdə deyilir ki, artıq 250-dən çox şahmatçının DÇ-da iştirak edəcəyi dəqiqləşib. Onların arasında dünya qrandları olan Maqnus Karlsen, Maksim Vaşye-Laqraf, Şəhriyar Məmmədyarov, Aniş Giri, Levon Aronyan, Hikaru Nakamura və Vladimir Kramnik da var.
Qeyd edək ki, Məmmədyarov 2013-cü ildə Rapid üzrə Dünya Çempionu olmuşdur, ötənilki çempionatda isə gümüş medal qazanmışdır.