Chess.az saytının təşkil etdiyi onlayn səsvermə nəticəsinə görə "İlin Şahmatçısı" nominasiyasında builki Dünya Kubokunun qalibi,qrossmeystrimiz Teymur Rəcəbov layiq görülmüşdür. Saytın rəsmi Feysbuk səhifəsində bir həftədir ki, davam edən səsvermənin sonunda "Chess.az" saytının versiyasına görə Teymur Rəcəbov 64% səslə "İlin Şahmatçısı" nominasiyası üzrə qalib oldu.
Səsvermədə ümumilikdə 307 nəfər iştirak etmişdir . Onlardan 198-i (64%) Teymur Rəcəbova, 109 nəfər isə (36%) öz səsini Azərbaycanını bir nömrəli
şahmatçısı olan Şəhriyar Məmmədyarova verib. Xatırladaq ki, ötən il Şəhriyar Məmmədyarov Chess.az saytının versiyasına görə "İlin Şahmatçısı" nominasiyası üzrə 92% səslə qalib olmuşdur.