Azərbaycanın və İslam dünyasının ilk qadın beynəlxalq qrossmeyster olmuş Aynur Sofiyevaya yeni vəzifə həvalə edilib.

Chess.az xəbər verir ki, Sofiyeva sədr müavini kimi çalışdığı Azərbaycan Respublikasının Ailə, Qadın və Uşaq Problemləri üzrə Dövlət Komitəsində bundan sonra sədr vəzifəsini icra edəcək. Buna səbəb  Ailə, Qadın və Uşaq Problemləri üzrə Dövlət Komitəsinin sədri Hicran Hüseynovanın Parlament seçkilərinə görə vəzifəsinin icrasını dayandırılmasıdır. 

  41 saylı Sumqayıt birinci seçki dairəsindən Yeni Azərbaycan Partiyasının deputatlığa namizədi olan Hicran Hüseynova parlament seçkilərinə  qatıldığı üçün məcburi məzuniyyətə çıxmalı olub. Onun vəzifəsinin icrası isə Komitə sədrinin müavini Aynur Sofiyevaya tapşırılıb.