"İddiaçılar Turnirinin" rusiyalı iştirakçısı Aleksandr Qrişyuk yarışın sona çatacağına inanmır.
Chess.az xəbər verir ki, Qrişyuk bu barədə fikirlərini Rusiya mətbuatına verdiyi açıqlamasında qeyd edib:"Özümü yaxşı hiss edirəm. Qələbə uğrunda mübarizəyə köklənmişəm. Təbii ki, Koronavirusla bağlı xəbərlər adamı narahat edir və baş verənlər adama biraz qəribə gəlir. Düşünürəm ki, turnirin sona qədər oynanılmaması ehtimalı böyükdür. Bu ehtimal 50%-dir. Qəribədir, bütün dünyada sərhədlər bağlanır, bu tədbirləri virus ölkəyə girmədən etmək lazım idi, amma epidemiya artıq Rusiyada var və indi belə tədbirlər görülür... Çox qəribədir. Turnirə gəlincə, Moskva metrosuna bir dəfə minmək bu yarışdan daha təhlükəlidir"
17-03-2020, 11:51