Azərbaycanlı qrossmeyster Teymur Rəcəbov və Beynəlxalq Şahmat Federasiyası (FİDE) "İddiaçılar Turniri" ətrafında yaranan məsələ ilə bağlı kompromisə gəliblər.
Chess.az xəbər verir ki, bu barədə məlumatı Teymur Rəcəbov yaxın dostu olan rusiyalı şahmatçı Sergey Karyakinlə sosial şəbəkələrdə etdiyi canlı yayım zamanı verib: “FİDE ilə kompromisli qərarın olması mümkündür. Lakin bunu beynəlxalq federasiyanın rəhbəri Arkadi Dvorkoviçin elan etməsi daha düzgün olar. Kompromisli qərar barədə anlayış mövcuddur. Özüm gözləyirəm, bu müstəvidə hərəkət edəcəyik. Düşünürəm ki, hər şey normal olacaq”