Dünya kubokunun sonuncu qalibi olan qrossmeyserimiz Teymur Rəcəbov "Online Chess Masters" şahmat superturnirində iştirak edəcək.
Chess.az xəbər verir ki, turnir dünya çempionu Maqnus Karlsenin təşəbbüsü ilə təşkil olunur və yarışın ümumi mükafat fondu 150 000 dollar təşkil edəcək. Maqnus Karlsen və Teymur Rəcəbovla yanaşı turnirdə rusiyalılar Aleksandr Qrişyuk, Yan Nepomnyaşiy, Daniil Dubov və Vladislav Artemyev, fransız Maksim Vaşye-Laqraf, çinli Dinq Liren, ABŞ şahmatçıları Fabiano Karuana və Hikaru Nakamura, niderlandlı Aniş Giri və hindistanlı Pentala Harikrişna çıxış edəcəklər. Turnir Cheess24.com şahmat platforması üzərində keçiriləcək və canlı yayımlanacaq.
13-06-2020, 10:05