Sabah "Chessable Masters" onlayn şahmat superturniri start götürəcək.

Chess.az xəbər verir ki, dünya çempionu Maqnus Karlsenin təşəbbüsü ilə təşkil olunan yarışda ümumilikdə
 12 şahmatçı mübarizə aparacaq. Turnirin ümumi mükafat fondu isə artırılaraq 150 000 dollardan 1 000 000 dollaradək çatdırılıb. Yarışda iştirak edəcək təmsilçimiz, Dünya kubokunun sonuncu qalibi olan qrossmeysterimiz Teymur Rəcəbov, püşkə əsasən "B" qrupunda yer alacaq. Teymurun qrupdakı rəqibləri fransız Maksim Vaşye-Laqraf, ABŞ təmsilçisi Fabiano Karuana, çinli Dinq Liren, rusiyalı Yan Nepomnyaşiy və Niderland təmsilçisi Aniş Giri olacaqlar. Yarışın "A" qrupunda isə dünya çempionu Maqnus Karlsen, rusiyalılar Aleksandr Qrişyuk, Daniil Dubov və Vladislav Artemyev, ABŞ təmsilçisi Hikaru Nakamura, və hindistanlı Pentala Harikrişna mübarizə aparacaqlar. Qeyd edək ki, hər qrupda ilk dörd yeri tutan şahmatçılar Pley-off mərhələsinə vəsiqə qazanacaqlar. Turnir Cheess24.com şahmat platforması üzərində keçiriləcək və canlı yayımlanacaq.  
  "A" QRUPU
  "B" QRUPUскачать dle 12.1