Chess.az saytının "İlin Şahmatçısı" nominasiyası üzrə ənənəvi səsverməsi başa çatdı. Üçüncü dəfədir ki, keçirilən səsvermədə ilk dəfə olaraq iki qalib oldu. Səsvermədə 49 nəfər iştirak etdi. Teymur Rəcəbov və Şəhriyar Məmmədyarov hərəyə 20 səs toplayaraq "İlin Şahmatçısı" nominasiyası üzrə qalib oldular. Səs verənlərin 5 nəfəri birtərəf qaldı, 4 nəfər isə öz səsini nominanatlar arasında adı olmayan, lakin ötən il cəmi 14 yaşı olmasına baxmayaraq mötəbər "Aeroflot Open" turnirinin qalibi olmuş Aydın Süleymanlıya verdi. Chess.az saytı olaraq, Aydın Süleymanlıya "İlin ən yaxşı gənc Şahmatçısı" nomonasiyası üzrə qalib elan etmək qərarına gəldik.
   Xatırladaq ki, Chess.az saytının versiyasına görə "İlin Şahmatçısı" nominasiyası üzrə qaliblər 2018-ci ildə Şəhriyar Məmmədyarov, 2019-cu ildə isə Teymur Rəcəbov olmuşdurlar. Səsvermə saytın rəsmi FEYSBUK səhifəsində keçirilir.скачать dle 12.1