FİDE Qibraltarda yenidən aktivləşən Covid-19 pandemiyası üzündən daha bir mötəbər yarışı təxirə salmağa qərara gəldi. 
Söhbət, yanvarın 17-dən 29-dək Qibraltarda keçirilməsi planlaşdırılan qadınlar arasında "Qran Pri" seriyasının sonuncu mərhələsindən gedir. Qibraltarın baş naziri Fabiano Pikardonun ölkədə elan etdiyi sərt karantin rejimi üzündən yarışı keçirmək mümkünsüz oldu. FİDE mötəbər turniri təxirə salaraq, onu başqa bir vaxtda keçirmək qərara gəldi. Yarışın hansı tarixlərdə keçiriləcəyi hələ ki, məlum deyil. Xatıraladaq ki, "Qran Pri" seriyasının son mərhələsinin iştirakçıları arasında həmyerlimiz Günay Məmmədzadə də var idi. скачать dle 12.1