Bu gün Niderlandda dünyanın ən mötəbər şahmat turnirlərindən biri hesab olunan ənənəvi Veyk-an Zee Şahmat Festivalı (TATA STEEL) start götürdü.
 Chess.az  xəbər verir ki, sayca 83-cü dəfə keçirilən turnirdə, 14 şahmatçı mübarizə aparır. Bunlar, Norveç təmsilçiləri  Maqnus Karlsen və Aryan Tari, amerikalı Fabiano Karuana, Rusiya şahmatçısı Andrey Yesipenko, fransız Maksim Vaşye-Laqraf, meydan sahibləri Aniş Giri və Yorden Van Forrest, FİDE bayrağı altında çıxış edən Əlirza Firuzca, Polşa təmsilçiləri Yan-Kşıştof Duda və Radoslav Voytaşek, ispaniyalı David Anton Quiyaro, isveçli Nils Grandelus, hindistanlı Pentala Harikrişna və Almaniyanı təmsil edən Aleksandr Donçenkodur.  

 Xatırladaq ki, yarış iştirakçılarının ilkin siyahısında həmyerlimiz Şəhriyar Məmmədyarov da yer alırdı. Lakin sonradan Şəhriyar Koronavirusdan yenicə sağalmasını əsas gətirərək turnirdə iştirak etməkdən imtina etmişdir. 

 Bu gün turnirin 1-ci turun oyunları keçirildi. Turun mərkəzi qarşılaşmasında dünya çempionu Maqnus Karlsen Əlirza Firuzcanı məğlub edib.

1-ci tur:

Karlsen (Nor)-Firuzca (FİDE) 1:0

Giri (Ned)-Tari (Nor) 1:0

Grandelius (Swe)-Donçenko (Ger) 1:0

Voytaşek (Pol)-Quiyaro (İsp) 0.5:0.5

Harikrişna(İnd)-Vaşye-Laqraf (Fra) 0.5:0.5

Yesipenko (Rus)-Duda (Pol) 0.5:0.5

Karuana(USA)-Van Forrest (Ned) 0.5:0.5

Turnir cədvəli:1-3.Karlsen, Giri, Qrandelius -1, 4-11.Voytaşek, Quiyaro, Harikrişna, Vaşye-Laqraf,Yesipenko, Duda, Karuana, Van Forrest -0.5. 12-14.Firuzca, TariŞ Donçenko -0.