Bir günlük fasilədən sonra Niderlandın Veyk-an-Zee şəhərində keçirilən ənənəvi "TATA STEEL MASTERS" şahmat festivalı davam etdi.
 Chess.az xəbər verir ki, istirahət günündən sonra, yarışın 11-ci turun oyunları keçirildi. Turun mərkəzi görüşü turni0r cədvəlinin lideri Aniş Giri ilə dünya çempionu Maqnus Karlsen arasında keçirildi. Qarşılaşmada qeydə alınan bərabərlik Aniş Giriyə zirvədə qalmaq üçün kifayət etdi. Çünki onu izləyən şahmatçılardan heç biri cari turda qələbə qaza bilmədi. Turnirin tapıntısı rusiyalı Andrey Yesipenko norveçli Aryan Tariyə məğlub oldu, lideri izləyən daha iki şahmatçı, Əlirza Firuzca ilə Fabiano Karuana öz aralarında heç-heçə edərək Girini zirvədə saxladılar.  

11-ci tur:
Karlsen (Nor) - Giri(Ned) 0.5:0.5