Rusiyanın tərkibində olan Mordoviya Respublikasının Ali məhkəməsi Beynəlxal dərəcəli idman ustası olan şahmatçı (Fide Master. Rtg 2433) Yuriy Şorçevi 24 il 6 ay azadlıqdan məhrum cəzasına məhkum edib. O cəzasını ciddi rejimli islah koloniyasında çəkəcək. Buna səbəb isə Şorçevin professional şahmatçı olmaqla yanaşı həmçinin professional cinayətkar olmasıdır. Şorçev Mordoviya fəaliyyət göstərən ən gəddar mütəşəkkil cinayətkar dəstəsinin başçısı imiş. Kriminal aləmində “Şahmatist” ləqəbi ilə tanınan Şoreçev və onun dəstəsi respublikada ümumilikdə 30 dan çox ağır cinayət törətməkdə təqsirli bilinmişdi (o cümlədən ölüm və sifarişli qətl hadisələri) və günahları sübuta yetirilmişdi. Şorçevdən başqa dəstənin digər aktiv 8 üzvü də həbs olunaraq müvafiq olaraq 5 ildən 21 ilədək cəzalarını alıblar.