Bu gün ikinci onlayn Dünya Şahmat Olimpiadasının "Top divizionunun" oyunları start götürəcək.
Chess.az xəbər verir ki, güclülərin divizonunda mübarizəyə qoşulan yığmamız "B" qrupunda yer alacaq. Azərbaycan milli komandasının qrupdakı rəqibləri isə, İsveç, Çin, Macarıstan, Belarus, Hindistan, Moldova, Sloveniya, Misir və Fransa komandaları olacaq.
Xatırladaq ki, komandamızın əsas heyətində Teymur Rəcəbov, Şəhriyar Məmmədyarov, Günay Məmmədzadə, Gülnar Məmmədova, Vüqar Əsədli və Xanım Balacayeva yer alırlar. Rauf Məmmədov, Qədir Hüseynov, Türkan Məmmədyarova, Ülviyyə Fətəliyeva, Məhəmməd Muradlı və Gövhər Beydullayeva isə yığmamızın ehtiyat oyunçularıdır.
Qeyd edək ki, qrupda ilk iki yeri tutan komanda pley-offa yüksələcək.
7-09-2021, 23:45