İspaniyanın Barselona şəhərində keçirilən beynəlxalq şahmat turnirində Azərbaycan təmsilçisi Eltac Səfərli liderlər qrupunda mübarizəni davam etdirir.
Chess.az xəbər verir ki, "El Llobregat Open"-nin altıncı turunda Eltac argentinalı şahmatçı Tomas Sosanı məğlub edərək aktivinə daha bir xal əlavə edib. Beləliklə xalların sayını 5-ə çatdıran şahmatçımız hal-hazırda turnir cədvəlinin 1-5-ci yerlərini bölüşür. Bu gün Eltac Səfərli liderlərdən biri olan ispaniyalı Latasa Santosla üz-üzə gələcək. Digər təmsilçimiz Məhəmməd Muradlı 4,5 xalla 12-ci, Aydın Süleymanlı isə 3,5 xalla 46-cı yerdə qərarlaşıblar.
İsveçrə sistemi üzrə keçirilən və doqquz turdan ibarət olacaq turnir dekabrın 12-dək davam edəcək.
6-12-2021, 18:56