Yeni ildən etibarən paytaxtda yeni şahmat məktəbi fəaliyyətə başlayıb.
Chess.az xəbər verir ki, ölkədə və bütün dünyada tanınmış şahmat ailəsi olan Məmmədyarovlar ailəsinin, bundan sonra Bakıda "Məmmədyarovlar Şahmat Məktəbi" fəaliyyət göstərəcək. Bu barədə məlumatı gənclər arasında Dünya və Avropa çempionu, şahmat Olimpiadasının mükafatçısı olmuş qrossmeyster Zeynəb Məmmədyarova paylaşıb.
Məktəb Yasamal rayonunda yerləşən "Altes Plaza"-da yerləşəcək. Tədris prossesində bir neçə təcrübəli pedaqoqla yanaşı Zeynəb və Türkan Məmmədyarovalar özləri də yaxından iştirak erdəcəklər. Bundan əlavə Şəhriyar Məmmədyarovun da məktəbin fəaliyyətində yaxından iştirak edəcəyi deyilir. Şəhriyar orada mütəmadi olaraq Master-klass, seans və mühazirələr keçəcək.
3-01-2022, 11:28