Yanvarın 15-də Niderlandda dünyanın ən mötəbər şahmat turnirlərindən biri hesab olunan ənənəvi Veyk-an Zee Şahmat Festivalı (TATA STEEL) start götürəcək.
Chess.az xəbər verir ki, sayca 84-cü dəfə keçiriləcək turnirdə ənənəvi olaraq 14 şahmatçı mübarizə aparacaq. Ölkəmizi bu mötəbər yarışda ötən il Koronavirusdan yenicə sağaldığından turnirə yollanmayan Şəhriyar Məmmədyarov təmsil edəcək. Şəhriyardan başqa "TATA STEEL MASTERS 2022"-də norveçli dünya çempionu Maqnus Karlsen, ABŞ təmsilçiləri Fabiano Karuana və Sem Şenkland, rusiyalılar Sergey Karyaki, Daniil Dubov və Andrey Yesipenko, meydan sahibləri Aniş Giri və Yorden Van Forrest, macar Riçard Rapport, Polşa təmsilçisi Yan-Kşıştof Duda, Hindistan şahmatçıları Vidit Santos, Pragnanandxaa və isveçli Nils Grandelus iştirak edəcəklər.
11-01-2022, 16:11