Niderlandın Veyk an Zee şəhərində başa çatmış "Tata Steel Chess" şahmat turnirində Azərbaycanın mərhum qrossmeysteri Vüqar Həşimovun adına təsis edilmiş “Fair Play” mükafatının sahibləri məlum olub.
Chess.az xəbər verir ki, yarışın bağlanış mərasimində "Masters" və "Challenge" turnirlərində fərqlənən qrossmeysterlər təltif edilib. Vüqar Həşimov Fondu tərəfindən təsis edilən mükafata, "Masters" turnirində gənc hindistanlı şahmatçı Rameşbabu Praqnanandhaa, "Challenge" turnirində isə niderlandlı Ervin Llami layiq görülüblər.
Qeyd edək ki, yanvarın 30-da başa çatmış festivalın əsas turnirində həmyerlimiz Şəhriyar Məmmədyarov turniri ikinci pillədə başa vurmuşdur. Xatırladaq ki, Vüqar Həşimov mükafatı sözügedən festivalda 2016-cı ildən təqdim olunur.
31-01-2022, 15:19