Sabah Naxçıvan şəhərində kişilər arasında növbəti Azərbaycan çempionatı start götürəcək.
Chess.az xəbər verir ki, 5-17 fevral tarixlərində keçiriləcək ölkə birinciliyində əvvəlcədən elan olunduğu kimi 28 yox, 24 şahmatçı iştirak edəcək (Chess24.com saytında məhz bu sayda şahmatçı qeyd olunub). Adları ilkin siyahııda olan Nicat Abbasov, Vüqar Əsədli, Sərxan Quliyev və Loğman Quliyevin adları yekun siyahıda yoxdur. Bu gün ölkə çempionatının rəsmi açılış mərasimi keçiriləcək. Sabah saat 14:00-da isə, şahmatçılar mübarizəyə başlayacaq.
İsveçrə sistemi üzrə keçiriləcək və doqquz turdan ibarət olan turnirin sonunda ilk dörd yeri tutmuş şahmatçılar Pley-off mərhələsinə vəsiqə qazanacaqlar. İkioyunluq yarımfinalların sonunda qalib gələn şahmatçılar isə, ölkə çempionatının final matçına vəsiqə qazanacaqlar.
Xatırladaq ki, budəfəki ölkə çempionatı, şahmat tariximizə ən yüksə mükafat fondu olan Azərbaycan çempionatı kimi düşəcək. Beləliklə, çempionatın ümumi mükafat fondu 22 000 manat təşkil edir.
Azərbaycan Çempionatı 2022:
1.Vasif Durarbəyli
2.Nicat Məmmədov
3.Eltac Səfərli
4.Misrətdin İsgəndərov
5.Aydın Süleymanlı
6.Məhəmməd Muradlı
7.Fərid Abbasov
8.Əhməd Əhmədzadə
9.Vüqar Rəsulov
10.Xəzər Babazadə
11.Murad İbrahimli
12.İsmayıl Şahəliyev
13.Pərviz Qasımov
14.Urfan Sevdimalıyev
15.Zaur Bayramov
16.Atilla Eynullayev
17.Fərid Mustafayev
18.Uğur İlyaslı
19.Şiroğlan Talıbov
20.Vüqar Manafov
21.Toğrul Həsənzadə
22.Elvin Bayramov
23.Talıb Babayev
24.Elmar Atakişiyev
4-02-2022, 11:36