Fevralın 27-də 5 Mart - Bədən Tərbiyəsi və İdman Gününə həsr olunan idman jurnalistləri arasında şahmat yarışı keçiriləcək.
Chess.az Azərtaca istinadən xəbər verir ki, jurnalistlər arasında “İdman birləşdirir” şüarı altında baş tutacaq yarış 9 turdan ibarət olacaq.
Reqlamentə əsasən hər oyuna 5 dəqiqə vaxt ayrılacaq və hər gediş üçün 3 saniyə əlavə olunacaq.
İlk üç yeri tutan iştirakçılara diplom, pul mükafatı və qiymətli hədiyyələr veriləcək.
Yarış Azərbaycan Şahmat Federasiyası və Azərbaycan İdman Jurnalistləri Federasiyasının birgə təşkilatçılığı ilə keçiriləcək.