İkinci “Champions Chess Tour” onlayn şahmat seriyasının ilk mərhələsi olan “Airthigs Masters” turnirinin finalçıları məlum olub.
CANLI
Chess.az xəbər verir ki, bu gün Bakı vaxı ilə saat 21:00-da start götürəcək final matçının ilk partiyasında Maqnus Karlsenlə rusiyalı Yan Nepomnyaşiy qarşı qarşıya gələcəklər. Xatırladaq ki, məhz bu şahmatçılar ötən ilin sonunda Dubayda Dünya çempionu adı uğrunda final matçında üz-üzə gəlmişdirlər və həmin qarşılaşma norveçli şahmatçının inamlı qələbəsilə nəticələnmişdir. Qeyd edək ki, fevralın 19-da start götürən yarışda həmyerlimiz Şəhriyar Məmmədyarov da iştirak edirdi. Lakin Məmmədyarov 16 şahmatçının qatıldığı ilkin mərhələdə 14-cü yer tutaraq 1/4 finaldan kənarda qalıb.
25-02-2022, 14:40