Polşanın Bıqdoşe şəhərində ölkənin mərhum prezidenti Lex Kaçinskinin xatirəsinə həsr olunmuş 7-ci Beynəlxalq Şahmat Festivalı davam edir.
CANLI
Chess.az xəbər verir ki, festival çərçivəsində keçirilən qadınların turnirinə altı turdan sonra həmyerlimiz Günay Məmmədzadə başçılıq edir. Aktivində 4.5 xalı olan Günay, ən yaxın izləyiciləri olan Polşa təmsilçisi Alina Kaşlinskaya və bolqarıstanlı Antoaneta Stafanovanı yarım xal qabaqlayır.
Qeyd edək ki, 10 şahmatçının mübarizə apardığı turnir dairəvi sistem üzrə keçirilir və 9 turdan ibarət olacaq. Yarış iyulun 4-dək davam edəcək.