Kişi şahmatçılardan ibarət Azərbaycan milli komandası Şahmat Olimpiadası öncəsi Quba şəhərinə təlim-məşq toplanışına yollanıb.
Chess.az AŞF-nın rəsmi saytına istiandən xəbər verir ki, toplanışda Şəhriyar Məmmədyarov, Rauf Məmmədov, Qədir Hüseynov, Nicat Abasov və Vasif Durarbəyli iştirak edirlər. Toplanış çərçivəsində yığma üzvləri praktiki məşqlərlə yanaşı milli üzvləri həm də fiziki hazırlıqla məşğul olur.
10 günlük təlim-məşq toplanışından sonra Bakıya qayıdacaq millinin üzvləri, bir neçə gün sonra Hindistanın Çennay şəhərində keçiriləcək 44-cü Ümumdünya Şahmat Olimpiadasıda iştirak etmək üçün həmin ölkəyə yola düşəcəklər. Xatırladaq ki, Ümumdünya Şahmat Olimpiadası iyulun 28-də start götürəcək. Azərbaycan Olimpiadada həm kişilər, həm də qadınların yarışında təmsil olunacaq.