Şahmat üzrə qadınlardan ibarət Azərbaycan milli komandası Ümumdünya Şahmat Olimpiadasına hazırlıqlarına start verib.
Chess.az xəbər verir ki, paytaxt Bakıda toplanan yığmamızın hazırlığında Günay Məmmədzadə, Gülnar Məmmədova, Gövhər Beydullayeva, Xanım Balacayeva və Ülviyyə Fətəliyeva iştirak edirlər. Milli komandanı Hindistanda keçiriləcək Ümumdünya Şahmat Olimpiadasına Belarus məşqçi Mixail Şereşevski, beynəlxalq qrossmeysterlər Nicat Məmmədov, Cahangir Ağarəhimov və beynəlxalq usta Abdulla Qədimbəyli hazırlayırlar.
Qeyd edək ki, 44-cü Ümumdünya Şahmat Olimpiadası Hindistanın Çennay şəhərində keçiriləcək. İyulun 28-də start götürəcək olimpiada avqustun 10-da yekunlaşacaq.