Hindistanın Çennay şəhərində davam edən sayca 44-cü Ümumdünya Şahmat Olimpiadasında iki gənc şahmatçının möhtəşəm performansı hamını heyran edir. 

  Söhbət Özbəkistan yığmasının 17 yaşlı şahmatçısı Nodirbek Abusattarov və Hindistan-2 komandasının üzvü Qukeşdən gedir. Hər iki şahmatçı öz komandalarında birinci taxtada çıxış edirlər və keçirdiyi beş oyunun hamısında qalib gəlməyi bacarıblar. Qukeş BƏƏ təmsilçisi Omran Al Hossani, estoniyalı Kalle Kiik, İsveçrəni təmsil edən Niko Georgiadis, italyan Daniel Vokutaro və İspaniyanı təmsil edən Aleksey Şırovu məğlub etdiyi halda, onunla eyni uğura imza atmış Nodirbek, Nepal təmsilçisi Çulaqaini, farerli Helqi Dam Ziska, sloveniyalı Matey Sibenik, slovakiyalı Yerqus Peçaçdan savayı yarışın reytinq favoriti olan ABŞ yığmasının bir nömrəsi olan Fabiano Karuananı da məğlub edib. Özü də Abusattarov bu qələbəni qara fiqurlarla əldə edib. Təbii ki, bui iki şahmatçının uğuru onların çıxış etdikləri yığmalara da təsir göstərib. Beləliklə, beş turdan sonra Hindistan-2 komandası yarışın lideri, Özbəskistan kollektivi isə üçüncü pillədə qərarlaşıb. 
  Olimpiadada daha bir şahmatçı 5 oyundan 5 qələbə qazana bilib. Analojı uğura Qazaxstan yığmasının 18 yaşlı üzvü Kazıbek Nogerbek imza atıb. Düzdür Kazıbek yığmasının birinci taxtasında çıxış etməsə də, hər halda onun bu uğuru alqışa layiqdir.  




















скачать dle 12.1