Noyabrın 19-da İsraildə keçiriləcək  komandalar arasında dünya çempionatına seçim turniri başa çatdı. 

Chess.az xəbər verir ki, Azərbaycan Şahmat Federasiyası ilk dəfə olaraq kişi şahmatçılardan ibarət milli komandanın heyətini müəyyənləşdirmək üçün keçirdiyi  seçim turnirinin nəticələrinə uyğun olaraq, İsrailə yollanacaq millimizin heyəti məlum oldu.
Belə ki, səkkiz şahmatçının mübarizə apardığı seçim turnirinin sonunda Aydın Süleymanlı, Qədir Hüseynov, Vüqar Əsədli və Rauf Məmmədov Dünya çempionatına yollanmaq hüququnu əldə etdilər. Bundan əlavə seçim turuna qatılmadan yığmamızın liderləri Şəhriyar Məmmədyarovla Teymur Rəcəbov da İsrailə yollanacaq Azərbaycan milli komandasının heyətində yer alacaqlar.
скачать dle 12.1