FIDE noyabr ayı üçün yeni reytinq siyahısı açıqlayıb.
Chess.az xəbər verir ki, bu ay heç bir rəsmi oyun keçirməyən azərbaycanlı qrossmeyster Teymur Rəcəbov, rəqiblərinin geriləməsi səbəbindən reytinq cədvəlində 5 pillə irəliləyərək 11-ci pilləyə qalxıb. (2747 xal).
Milli komandanın digər üzvü Şəhriyar Məmmədyarov 1 pillə geriləyərək 2741 xalla 14-cüdür. Qədir Hüseynov (2661 xal) 86-cı, Nicat Abbasov (2646 xal) 100-cü, Rauf Məmmədov (2646 xal) isə 102-ci sıradadır. Reytinqə əvvəlki kimi norveçli dünya çempionu Maqnus Karlsen (2859 xal) başçılıq edir.
Qadın şahmatçıların siyahısında gəlincə İtaliyada gənclər arasında dünya çempionu olan Gövhər Beydullayeva 36 pillə irəliləyərək 62-ci yerdə qərarlaşıb (2387 xal). Günay Məmmədzadə (2472 xal) 20-ci, Ülviyyə Fətəliyeva (2428 xal) 37-ci, Xanım Balacayeva (2379 xal) 73-cü, Gülnar Məmmədova (2376 xal) 78-ci yerdədirlər.
Qadın şahmatçıların reytinq siyahısına çinli Xu Yifan (2638 xal) başçılıq edir.