İsveçrənin gənclər fondu gənc şahmatçıları həvəsləndirmək üçün maraqlı təşəbbüsə əl atıb.
Belə ki, 2030-cu ilə qədər qrossmeyster adını qazan biləcək ilk əslən isveçrəli olan gənc, fond tərəfindən 1 kilo çəkisində qızıl sikkə ilə mükafatlandırılacaq. Bu təşəbbüs xanımlar üçün də keçərlidir. Belə ki, eyni uğura imza atmış ilk xanım şahmatçı yarım kiloluq sikkənin sahibəsi olacaq.
Qeyd edək ki, İsveçrənin şahmat tarixində cəmi on qrossmeysteri olub, onların da böyük əksəriyyəti milliləşdirilmiş şahmatçılardı.