Xəbər verdiyimiz kimi, martın 4-də Qazaxıstanın paytaxtı Astana şəhərində kişilər və qadınlar arasında Komanda Dünya Çempionatları start götürəcək.Bu gün, Mundialda iştirak edəcək kişilərdən ibarət yığma komandamızın heyyəti açıqlandı. 

Yığma komandamız Dünya Çempionatına heç də optimal heyyətlə yollanmaycaq. Belə ki,  Azərbaycan Şahmat Federasiyasından AZƏRTAC-a bildiriblər ki, ökəmizi dünya çempionatında kapitan Cahangir Ağarəhimovun rəhbərliyi altında Arkadi Naydiç, Rauf Məmmədov, Qədir Hüseynov, Eltac Səfərli və Nicat Abbasov təmsil edəcəklər. Son illər yığmamızın aparıcı üzvləri olan Şəhriyar Məmmədyarov və Teymur Rəcəbov isə ,FIDE-nin "Qran-Pri" seriyasına hazırlıqları ilə əlaqədar olaraq yarışda iştirak etməyəcəkləri açıqlanıb. Qeyd edək ki, kişilərib yarışında yığmamızdan ABŞ,Rusiya,Çin,İran,Misir,Polşa,İngiltərə,Hindistan və ev sahibi Qazaxıstan yığmaları mübarizə aparacaqlar.