Rumıniyada "Grand Chess Tour" şahmat seriyasının birinci mərhələsinin oyunları davam edir.
6-CI TUR CANLI
Chess.az xəbər verir ki, dünən "Superbet Chess Classic Romania" turnirinin beşinci turun oyunları keçirildi. Dördüncü turda baş tutan "Azərbaycan derbisində" qeydə alınan "ənənəvi" heç-heçədən sonra, beşinci turda nəhayət ki, təmsilçilərimizdən biri qələbə qazana bildi. Şəhriyar Məmmədyarov qara fiqurlarla meydan sahibi Konstantin Lupuleskunu məğlub edərək, dörd oyunluq heç-heçə seriyasına son qoydu. Teymur Rəcəbov isə cari turda rusiyalı Aleksandr Qrişyukla heç-heçə edib. Bu gün turnirdə istirahət günüdür. Sabah isə Bakı vaxtı ilə saat 16:00-da yarış davam edəcək. Şəhriyar Məmmədyarov erməni Levon Aronyanla, Teymur isə Rumıniya təmsilçisi Boqdan-Daniel Deakla qarşılaşacaqlar. Turnir cədvəlinə gəlincə, aktivlərində üç xalları olan Şəhriyar Məmmədyarov, Vesli So və Aleksandr Qrişyuk üçlüyü yarışa liderlik edirlər. Teymur Rəcəbov isə 2.5 xalla Levon Aronyan, Boqdan-Daniel Deak və Fabiano Karuana ilə birlikdə 4-7-ci yerləri bölüşürlər.
10-06-2021, 08:55