Rusiyanın Soçi şəhərində davam edən şahmat üzrə Dünya Kubokunun qadınların yarışında qalibin, kişilərin turnirində isə finalçıların adları məlum oldu.
Chess.az xəbər verir ki, dünən başa çatan 1/2 final mərhələsindən sonra, polyak Yan-Kşıştof Duda və meydan sahibi rusiyalı Sergey Karyakin kubokun finalına vəsiqə qazanıblar. Qeyd edək ki, Duda yarımfinalda dünya çempionu Maqnus Karlseni məğlub etdi. Yarımfinalda məğlub olan Maqnus Karlseni isə 3-4-cü yerlər uğrunda final qarşılaşmasında rusiyalı Vladimir Fedoseevlə üz-üzə gələcək.
Qadınların turniri isə eks-dünya çempionu Aleksandra Kostenyukun qələbəsi ilə başa çatdı. Aleksandra final matçında həmyerlisi Aleksandra Qoryaçkinanı məğlub edərək dünya kubokunun sahibəsi oldu.
Final.Kişilər.
Yan-Kşıştof Duda (Polşa) - Sergey Karyakin (Rusiya)
Final (3-4-cü yer). Kişilər.
Maqnus Karlsen (Norveç) - Vladimir Fedoseyev (Rusiya)
Final. Qadınlar.Aleksandra Qoryaçkina (Rusiya) - Aleksandra Kostenyuk (Rusiya) 0.5:1.5,
Final (3-4-cü yer). Qadınlar.
Zonqyi Tan (Çin) - Anna Muzıçyuk (Ukrayna) 2.5:1.5,
4-08-2021, 08:23