Rauf Məmmədov, Eltac Səfərli, Zeynəb Məmmədyarova və Namiq Quliyevdən sonra, daha bir qrossmeysterimiz "Xüsusi Karantin" günlərində şahmatsevərlərə "Onlayn Seans" verməyə qərarına gəlib.
Milli komandamızın keçmiş üzvü, qrossmeyster Azər Mirzəyev şəxsi təşəbbüsü və Chess.az saytının təşkilatı dəstəyi ilə, aprelin 26-da saat 15:00-da Lichess.org şahmat platforması üzərindən növbəti Onlayn Seans baş tutacaq.
Qeyd edək ki, seansda qeydiyyatdan keçmiş ilk 20 şahmatçı iştirak edəcək.
Seansda iştirak etmək üçün :
1.Lichess.org saytından qeydiyyatdan keçin.
2.Adınızı, soyadınızı və Lichess-də olan profilinizin nikini Chess.az-ın Feysbuk səhifəsinin inboxuna göndərin.
3.Mesaj vasitəsilə təsdiq almış ilk 20 şahmatçı 26 aprel tarixində saat 14:45-də onlara göndərilmiş link vasitəsilə seansa qoşula biləcəklər.
24-04-2020, 12:57