FİDE-nin vitse-prezidenti Emil Sutovskiy, bu il onlayn şahmat olimpiadasını keçirmək istədiklərini bildirib.
Chess.az xəbər verir ki, Sutovskiy öz açıqlamasında bu il Rusiyada keçirilməsi planlaşdırılan və COVİD-19 pandemiyası üzündən gələn ilə təxirə salınan Dünya Şahmat Olimpiadasının onlayn prototipini keçirmək istədiklərini bildirdi:«Bu il Moskva və Xantı-Mansiyskdə 190 ölkənin iştirakı ilə şahmat olimpiadası baş tutmalı idi. Lakin məlum səbəblərə görə biz bu böyük yarışı növbəti ilə keçirdik. İndi isə FİDE onlayn-Olimpiadanın keçirilməsini planlaşdırır. Ümid edirik ki, bu yarış şahmat aləmində böyük hadisəyə çevriləcək».