Dünyada davam edən COVİD-19 pandemiyası üzündən daha bir ənənəvi şahmat superturnirinə onlayn formatda start verilib.

 Söhbət hər il keçirilən və böyük marağa səbəb olan “Sent-Lyuis Blitz və Rapid" turnirindən gedir. Dünən superturnirin Rapid mərhələsinə yekun vuruldu. Son tura qədər turnir cədvəlinə başçılıq edən norveçli Dünya çempionu Maqnus Karlsen, axrıncı turda rusiyalı Aleksandr Qrişuka məğlub olaraq turnirin qalibi ola bilmədi. Maqnusun bu uğurusuzluğunu fürsət kimi dəyərləndirən ABŞ təmsilçisi Vesli So isə,  son turda Hindistan təmsilçisi Pentala Harikrişnanı məğlub edərək turnirin qalibi oldu. 

Qeyd edək ki, bu gün yarışın Blitz turnirinə start veriləcək.