“Artıq bir neçə gündür ki, Vətənimizdə qanlı döyüşlər davam edir. Erməni işğalçı qüvvələri tarixi, əzəli Azərbaycan torpaqlarında xalqımıza qarşı hərbi əməliyyatlar aparmaqdadır”.

Chess.az xəbər verir ki, bu sözlər Azərbaycan millisinin üzvu olan şahmatçımız Teymur Rəcəbova məxsusdur.
Şəxsi "İnstaqram" səhifəsində paylaşım edən qrossmeyster Dağlıq Qarabağda baş verən hadisələrə münasibət bildirib: “Erməni işgalçı qüvvələri dərhal bizim torpaqlarımızı tərk etməlidir! Bu, mövcud vəziyyətin həlli üçün yeganə çıxış yoludur. Şanlı ordumuzun cəsur əsgərləri düşməni qətiyyətlə dəf edərək doğma diyarlarımızda haqq-ədaləti bərpa edəcəklər! Qarabağ Azərbaycandır! Qarabağ hər zaman Vətənimizin ayrılmaz hissəsi olub və olacaq!”. скачать dle 12.1