Rumıniyada "Grand Chess Tour" şahmat seriyasının birinci mərhələsinin oyunları davam edir.
4-CÜ TUR CANLI (TAXTALAR ÜZRƏ)
Chess.az xəbər verir ki, dünən "Superbet Chess Classic Romania" turnirinin üçüncü turun oyunları keçirildi. Həmyerlilərimiz Şəhriyar Məmmədyarov və Teymur Rəcəbov bu dəfə də heç-heçə ediblər. Şah Rumıniya təmsilçisi Boqdan-Daniel Deakla, Teymur Rəcəbov isə fransız Maksim Vaşye-Laqrafla xallarını yarı bölüblər. Xatırladaq ki, hər iki şahmatçımız turnirdə keçirdikləri hər üç oyunlarını bərabərliklə başa vurublar. Və üç turdan sonra aktivlərində 1.5 xalla turnir cədvəlinin 3-8-ci yerləri bölüşdürürlər. Bu gün isə Bakı vaxtı ilə saat 16:00-da start götürəcək dördüncü turun oyunları çerçivəsində tamaşaçıları "Azərbaycan derbisi" gözləyir. Cari turda Şəhriyar Məmmədyarovla Teymur Rəcəbov üz-üzə gələcəklər.
Qeyd edək ki, Şəhriyar və Teymurdan başqa turnirdə ABŞ şahmatçıları Fabiano Karuana və Vesli So, niderlandlı Aniş Giri, erməni Levon Aronyan, fransız Maksim Vaşye-Laqraf, rusiyalı Aleksandr Qrişyuk və meydan sahibləri Boqdan-Daniel Deak və Konstantin Lupulesku iştirak edirlər. Yarış iyunun 15-dək davam edəcək.
8-06-2021, 13:09