Bu gün "Grand Chess Tour" şahmat seriyasının beşinci mərhələsinə start verilir.

CANLI

  Chess.az xəbər verir ki, ABŞ-ın Sent-Lyuis şəhərində start götürəcək "Sinquefield Cup" adlı yarış, şahmatın klassik növü üzrə oynanılacaq və seriyanın sonuncu turniri olacaq. Turnirdə ölkəmizi Azərbaycanın ən güclü şahmatçısı Şəhriyar Məmmədyarov təmsil edəcək. "Sinquefield Cup"-da ötən mərhələdə olduğu kimi yenə də on şahmatçı mübarizə aparacaq. Şəhriyar Məmmədyarovun rəqibləri, ABŞ şahmatçıları Fabiano Karuana, Vesli So, Leyner Dominqez Perez, Sem Şenkland, Cefri Ksionq və Dariuş Svirç, fransız Maksim Vaşye-Laqraf, rus Petr Svidler və macar Rixard Rapport olacaqlar. 
  Bu gün Bakı vaxtı ilə saat 00:00-da start götürəcək birinci turda Şəhriyar qara fiqurlarla meydan sahibi Vesli So ilə qarşılaşacaq. Turnir avqustun 28-dək davam edəcək, mərhələnin ümumi mükafat fondu isə 325 000 ABŞ dolları təşkil edəcək.   скачать dle 12.1