Çexiyanın paytaxtı Praha şəhərində “Praqa Open-2022” şahmat turniri davam edir.

 Chess.az xəbər verir ki, yarışdakı yeganə təmsilçimiz dörd turdan sonra 100 faizlik nəticə ilə liderlər qrupunda yer alır. Söhbət təcrübəli qrossmeysterimiz Azər Mirzəyevdən gedir. İki polyak, Pyotr Kap və Antoni Kozakdan başqa meydan sahibi Miçal Sindler və norveçli Matias Unnelandı məğlub edən Mirzəyev, hal hazırda turnir cədvəlinin 1-5-ci yerlərini bölüşür. Qeyd edək ki, 27 ölkədən 185 şahmatçının iştirak etdiyi yarış doqquz turdan ibarət olacaq. скачать dle 12.1